XÜSUSİ OLİMPİYAÇILAR ARASINDA “BASKETBOL HƏFTƏSİ” BAŞA ÇATMIŞDIR
AZƏRTAC xəbər verir ki, Dövlət Bədən Tərbiyəsi və İdman Akademiyasında Azərbaycan Xüsusi Olimpiya Komitəsinin təşkilatçılığı ilə “Basketbol həftəsi” yarışları başa çatmışdır. İki divizyonda keçirilən turnirdə Bakı, Abşeron və Sumqayıtdan 15-ə yaxın oğlan və qız komandaları iştirak etmişlər. Qızlar arasında birinci divizyonda Yasamal rayonu 167 nömrəli orta məktəbin və Nəsimi rayonu 11 nömərli yardımçı məktəbin komandaları birinci olmuşlar. Oğlanların yarışında Nizami rayon 3 nömrəli xüsusi təhsil məktəbi və Yasamal rayonu 167 nömrəli orta məktəbin komandaları qələbəni bayram etmişlər.
İkinci divizyonda yalnız oğlanlar mübarizə aparmışlar. Bu yarışda fəxri kürsünün ən yüksək pilləsinə Sabunçu rayonu 11 nömrəli yardımçı internat məktəbi və Əzizbəyov rayonu E.Mirzəyev adına nitqi qüsurlu məktəbin komandaları yüksəlmişlər.
Belə yarışlar Avropa Xüsusi Olimpiya Komitəsinin üzvü olan ölkələrdə keçirilir. Xüsusi Olimpiya Komitəsinin bayrağı altında keçirilən yarışlar əqli cəhətdən qüsurlu gənclər arasında təşkil olunur.
Qeyd edək ki, “Basketbol həftəsi” 2010-cu ildə Varşavada Avropa Yay Xüsusi Olimpiya Oyunlarına hazırlıq məqsədi daşımışdır.
Bölmənin digər xəbərləri
