Xüsusi qayğıya ehtiyacı olan uşaqların problemlərinin həlli yolları müzakirə olunmuşdur
Bakı, 8 may (AZƏRTAC). Ailə, Qadın və Uşaq Problemləri üzrə Dövlət Komitəsinin təşkilatçılığı ilə 15 may - Beynəlxalq Ailə Günü ilə əlaqədar silsilə tədbirlərin keçirilməsinə başlanılmışdır.
Komitədən AZƏRTAC-a bildirmişlər ki, tədbirlər planı çərçivəsində Saray qəsəbəsində yerləşən 7 nömrəli internat məktəbində ekspertlərin iştirakı ilə xüsusi qayğıya ehtiyacı olan uşaqların valideynlərinə psixoloji yardım göstərmək məqsədi ilə “Gələcək hamı üçün” adlı “dəyirmi masa” keçirilmişdir.
“Dəyirmi masa”da xüsusi qayğıya ehtiyacı olan uşaqların ailələrində qarşılaşdığı problemlər və onların həlli yolları, uşaqların sosial adaptasiyasında valideynlərin rolu və digər məsələlər müzakirə olunmuşdur.
Tədbir bədii hissə ilə davam etdirilmişdir.
Bölmənin digər xəbərləri
