XXV İSTANBUL KİTAB SƏRGİSİNDƏ AZƏRBAYCAN KİTABLARI BÖYÜK MARAQ DOĞURMUŞDUR
AZƏRTAC-ın xüsusi müxbiri xəbər verir ki, TÜYAP sərgi şirkəti və Türkiyə Naşirlər Birliyinin təşkil etdiyi XXV İstanbul kitab sərgisində Azərbaycan Milli Elmlər Akademiyasının kitabxanası 200 kitab nümayiş etdirir. Azərbaycan klassiklərinin əsərləri və elmin müxtəlif sahələrinə aid olan bu kitablar oxucuların böyük marağına səbəb olmuşdur. Kitabxananın direktoru Aybəniz Kəngərli sərgidə iştirak edən bir çox ölkələrdən fərqli olaraq, Azərbaycandan gətirilmiş kitabların oxuculara pulsuz veriləcəyini söyləmişdir.
Sərgidə 16 ölkəni təmsil edən 500 nəşriyyat və qeyri-hökumət təşkilatı iştirak edir. Bundan başqa, dünyanın 800 tanınmış yazıçısı, siyasətçisi və alimi də sərgiyə gələrək, oxucularla görüşürlər. Uşaq ədəbiyyatı bölməsi isə, balaca oxucuların sevimli yerinə çevrilmişdir.
XXV İstanbul kitab sərgisi noyabrın 5-dək davam edəcəkdir.
Bölmənin digər xəbərləri
