Yan Oblak yüksək ödənişə görə qapıçıların siyahısında ikinci olub

18.04.2019 [15:12]
Çap et
A⁺ A^-

Bakı, 18 aprel, AZƏRTAC

İspaniyanın “Atletiko Madrid” futbol klubunun qapıçısı Yan Oblak yüksək ödənişə görə, qolkiperlərin siyahısında ikinci olub.

AZƏRTAC klubun saytına istinadla xəbər verir ki, buna səbəb 26 yaşlı sloveniyalı qapıçının Madrid təmsilçisi ilə yeni müqavilə imzalaması olub. Yeni müqaviləyə əsasən, Yan Oblakın illik gəliri 10 milyon avro olacaq. O, bu məbləğlə yalnız “Mançester Yunayted”in qapıçısı David De Xeadan (10,5 milyon avro) geri qalır. Üçüncü ən çox ödənişli qapıçı isə “Mançester Siti” klubunun braziliyalı qolkiperi Edison Moraesdir (9.9 milyon avro).

Yan Oblakın Madrid təmsilçisi ilə yeni müqaviləsi 2023-cü ilin yayınadək nəzərdə tutulub.

Qeyd edək ki, sloveniyalı qapıçı “Atletiko Madrid” klubunun heyətində 199 oyunda meydana çıxıb.