Yaponiya BMT üzvü olan ölkələri Şimali Koreyaya qarşı təzyiqləri davam etdirməyə çağırıb
Tokio, 27 mart, AZƏRTAC
Yaponiyanın BMT-dəki daimi nümayəndəsi Koro Bessyo BMT Təhlükəsizlik Şurasının Şimali Koreyaya qarşı qətnamələrinin həyata keçirilməsində beynəlxalq ictimaiyyətin razılaşdırılmış fəaliyyətinin zəruriliyini vurğulayıb.
AZƏRTAC xəbər verir ki, mətbuat konfransında çıxış edən K.Bessyo bəyan edib ki, Şimali Koreya dənizdə neft məhsullarının gəmidən-gəmiyə yüklənməsi əməliyyatını keçirir. Bu isə BMT tərəfindən tətbiq edilən qətnamələrin pozulması deməkdir.
Diplomat əlavə edib ki, Şimali Koreyanın bu əməliyyatlarını izləyən Yaponiya və digər ölkələr Təhlükəsizlik Şurasına bu barədə məlumatları çatdırıblar. K.Bessyo Pxenyanın sanksiyalardan yayınmaq istiqamətində daimi fəaliyyətinin narahatlıq doğurduğunu da bildirib.
Yaponiyanın BMT-dəki daimi nümayəndəsi əlavə edib ki, təşkilatın üzvü olan ölkələr sanksiyaların saxlanması üçün Pxenyana təzyiqləri davam etdirməlidirlər.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
