Yaponiyada məktəblilər arasında intiharların sayı yeni maksimuma çatıb
Bakı, 3 mart, AZƏRTAC
Ötən il Yaponiyada məktəblilər arasında intiharların sayında yeni rekord qeydə alınıb.
AZƏRTAC Kyodo agentliyinə istinadla xəbər verir ki, 2022-ci ildə öncəki illə müqayisədə intihar hallarının sayı 39 nəfər artaraq 512 nəfərə çatıb.
Yaponiya Səhiyyə Nazirliyinin məlumatına görə, məktəblilər arasında intiharlar əsasən təhsildə uğursuzluq, karyera perspektivinin olmaması qorxusundan və qəbul imtahanları ilə bağlı stresdən qaynaqlanır.
İntihar edənlərin 17-si ibtidai, 143-ü orta, 352-si isə yuxarı sinif şagirdləridir. Onların arasında oğlanlar çoxluq təşkil edir.
Ölkənin Təhsil, Mədəniyyət, İdman, Elm və Texnologiya Nazirliyinin məlumatına görə, bu, 1980-ci ildən bəri aparılan müşahidələr dövrünün ən yüksək göstəricisidir.
Bölmənin digər xəbərləri
