Yaponiyada özünümüdafiə qüvvələrinin patrul təyyarəsi fövqəladə eniş edib
Tokio, 19 mart, AZƏRTAC
Martın 19-da Yaponiya özünümüdafiə qüvvələrinin dəniz patrul təyyarəsi Okinava prefekturasında yerləşən ABŞ-a məxsus Kadena bazasına fövqəladə eniş edib.
AZƏRTAC Kyodo agentliyinin özünümüdafiə qüvvələrinə istinadla yaydığı məlumata əsasən xəbər verir ki, P-3C patrul təyyarəsi hidravlika sistemində yağ sızması nəticəsində yaranan problemlə əlaqədar yerli vaxtla saat 14:55-də qəza enişi edib. Okinavadakı Naha aviabazasından səhər saatlarında havaya qalxan təyyarənin Şərqi Çin dənizində patrul xidməti həyata keçirdiyi bildirilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
