Yaponiyanın Nara prefekturasında baş verən yanğın nəticəsində beş nəfər ölüb
Tokio, 20 may, AZƏRTAC
Mayın 20-də Yaponiyanın Nara prefekturasının Qozyo şəhərindəki evdə baş vermiş yanğın nəticəsində beş nəfər, o cümlədən üç uşaq ölüb.
AZƏRTAC Kyodo agentliyinə istinadla xəbər verir ki, yerli vaxtla saat 10:05-də evdən tüstü qalxdığını görən qonşu yanğınsöndürmə xidmətinə zəng edib.
Hadisə yerinə gələn yanğınsöndürənlər yanğının yayılmasının qarşısını almağa nail olduqdan sonra evin ikinci mərtəbəsində beş nəfərin cəsədi aşkar edilib. Onlardan ikisinin təqribən 30 yaşlarında qadın və kişi, digərlərinin isə səkkiz, altı və iki yaşında oğlan uşaqları olduğu bildirilir.
Hazırda hadisənin baş verməsi səbəbləri araşdırılır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
