Yardımlıda 51 ölkə və 41 yerli əhəmiyyətli tarix və mədəniyyət abidələri var
Yardımlı, 21 iyul, Bağır Əliyev, AZƏRTAC
Yardımlı rayonunda 2 muzey, 24 klub, 40 kitabxana, 3 mədəniyyət və istirahət parkı fəaliyyət göstərir. Ötən il muzeylərə gələnlərin sayı 35,7 min nəfər olub. Əhalinin hər min nəfərinə 529 nəfər təşkil edib. Klub müəssisələri üzrə tamaşaçı və mühazirə zallarında yerlərin sayı isə 2592-dir.
Bu barədə Yardımlı Rayon Statistika İdarəsinin rəisi Aydın Ağayev AZƏRTAC-ın bölgə müxbirinə məlumat verib.
Bildirilib ki, rayonda olan kitabxanalarda 304 min nüsxə kitab fondu, gələn oxucuların sayı 17,3 min nəfər olub. Kitabxanalara gələnlərin ümumi sayı əvvəlki ilin müvafiq dövrü ilə müqayisədə 400 nəfər artıb. Orta hesabla hər min sakinə düşən kitab və jurnalların sayı 4470 nüsxə təşkil edib.
Rayonda mövcud olan mədəniyyət və istirahət parklarının ümumi sahəsi 772 min kvadratmetrdir.
Hazırda Yardımlıda dövlət mühafizəsində olan daşınmaz tarix və mədəniyyət abidələrinin sayı 92 ədəddir. Onlardan 51-i ölkə əhəmiyyətli, 41-i isə yerli əhəmiyyətli abidələrdir.
Bölmənin digər xəbərləri
