Yardımlıda əhaliyə göstərilən ödənişli xidmətin ümumi həcmi 22,9 faiz artıb
Yardımlı, 28 aprel, İlkin Adıyev, AZƏRTAC
2023-cü ilin yanvar-mart ayları ərzində Yardımlıda əhaliyə göstərilən ödənişli xidmətin ümumi həcmi keçən ilin müvafiq dövrü ilə müqayisədə real ifadədə 22,9 faiz artaraq 6 milyon 298,0 min manat olub.
Bu barədə AZƏRTAC-ın bölgə müxbirinə Yardımlı Rayon Statistika İdarəsindən bildirilib.
Əhaliyə hüquqi şəxslər tərəfindən 760,7 min manatlıq, fiziki şəxslər tərəfindən isə 5 milyon 537,3 min manatlıq müxtəlif sahələr üzrə ödənişli xidmətlər göstərilib. Keçən il ilə müqayisədə məişət xidmətinin ümumi həcmi 164,0 min manat artaraq 856,0 min manat olub.
2023-ci ilin yanvar-mart hesabat dövrü ərzində əhaliyə 829,0 min manatlıq ictimai iaşə sahəsi üzrə xidmətlər göstərilib ki, bu da ötən ilin müvafiq dövrü ilə müqayisədə real ifadədə 43,9 faiz artım deməkdir.
Bölmənin digər xəbərləri
