Yasamalda ictimai iaşə obyektində yanğın baş verib
Bakı, 27 noyabr, AZƏRTAC
Fövqəladə Hallar Nazirliyinin (FHN) 112 - qaynar telefon xəttinə paytaxtın Yasamal rayonunda ictimai iaşə obyektində yanğın baş verməsi barədə məlumat daxil olub.
Qurumun mətbuat xidmətindən AZƏRTAC-a bildiriblər ki, dərhal FHN-in Dövlət Yanğından Mühafizə Xidmətinin yanğınsöndürənləri çağırış üzrə cəlb olunub.
FHN-in qüvvələrinin çevik müdaxiləsi sayəsində çoxmərtəbəli yaşayış binasının birinci mərtəbəsində yerləşən ümumi sahəsi 240 kvadratmetr olan obyektin mətbəxində və havalandırma qurğusunda baş verən yanğın qısa müddətdə söndürülüb.
Yanğın nəticəsində bir kiçik mətbəx avadanlığı və havalandırma qurğusunda yağ qalıqları yanıb.
Restoran və mənzillər yanğından mühafizə olunub.
Bölmənin digər xəbərləri
