YAZIÇILAR BİRLİYİNİN İMİŞLİ FİLİALI AÇILMIŞDIR
Azərbaycan Yazıçılar Birliyinin İmişli rayonunda filialı açılmışdır. Filial respublikanın Muğan və Mil bölgələrində yaşayan və ədəbi yaradıcılıqla məşğul olan yazıçı və şairləri özündə birləşdirir.
Azərbaycan Yazıçılar Birliyinin sədri, milli məclisin deputatı Anar Rzayev, Yazıçılar Birliyinin katibi Fikrət Qoca və milli məslisin deputatı Səyyad Aran əvvəlcə rayondakı şəhidlər xiyabanını ziyarət etdilər, torpaqlarımızın müdafiəsi uğrunda həyatlarını qurban vermiş soydaşlarımızın məzarları önünə gül-çiçək dəstələri qoydular.
Sonra filialın acılış mərasimi keçirildi. AYB-nın sədri Anar Rzayev mərasimdə çıxış etdi, bölgədə yaşayıb yaradan yazıçı və şairlərə uğurlar dilədi.
Milli Məclisin deputatları və yaradıcı ziyalılar mərasimdən sonra rayonun Bəhrəmtəpə qəsəbəsində məskunlaşan məcburi köçkünlərlə görüşdülər, onların həyat tərzi və problemləri ilə maraqlandılar.
Bölmənin digər xəbərləri
