“Yekaterinburq-2023”ün Su İdmanı Sarayının inşası 10 milyard rubla başa gələcək
Bakı, 18 avqust, AZƏRTAC
2023-cü ildə Rusiyanın Yekaterinburq şəhərində keçiriləcək XXXII Ümumdünya Yay Universiadasının Su İdmanı Sarayının inşası təxminən 10 milyard rubla başa gələcək.
AZƏRTAC xəbər verir ki, bu barədə TASS informasiya agentliyi məlumat yayıb. İnşaat işlərinin 2021-ci il dekabrın 30-dan gec olmayaraq tamamlanması planlaşdırılıb.
Su İdmanı Sarayı Atletlər Kəndinin ərazisində, "Expo" Beynəlxalq Sərgi Mərkəzinin yanında inşa ediləcək. İdman obyektinin sahəsi 60 min kvadratmetrdən çox olacaq.
Qeyd edək ki, XXXI Ümumdünya Yay Universiadası 2021-ci ildə Çinin Çendu şəhərində təşkil olunacaq. Ötən il İtaliyanın Neapol şəhərində keçirilən XXX Yay Universiadasında Azərbaycan milli komandası 2 qızıl, 3 gümüş və 2 bürünc medal qazanaraq komanda hesabında 18-ci yerdə qərarlaşıb.
Bölmənin digər xəbərləri
