YENİ RADİO YAYIM PROQRAMININ AÇILMASI İLƏ BAĞLI MÜSABİQƏ ELAN EDİLMİŞDİR
AZƏRTAC xəbər verir ki, sentyabrın 3-də Milli Televiziya və Radio Şurasının (MTRŞ) növbəti iclası keçirilmişdir.
Şuradan bildirmişlər ki, iclasda “Televiziya və radio yayımı haqqında” Qanuna uyğun olaraq, yeni radio yayım proqramının açılması üçün Bakı və Abşeron ərazisində radio üzrə 105.7 MHz işçi tezliyinə müsabiqə elan olunması haqqında qərar qəbul edilmişdir.
Müsabiqə sentyabrın 8-dən oktyabrın 8-dək davam edəcəkdir.
