Yeni tamaşa - Kod adı: V.X.A
Bakı, 3 dekabr, AZƏRTAC
Azərbaycan Dövlət Gənc Tamaşaçılar Teatrının yaradıcı heyəti tərəfindən hazırlanan yeni səhnə əsəri - “Kod adı: V.X.A” tamaşasının məşqləri davam edir.
Bu barədə AZƏRTAC-a Gənc Tamaşaçılar Teatrından bildirilib.
Teatrın baş rejissoru, Əməkdar incəsənət xadimi Mehriban Ələkbərzadə özünün müəllifi olduğu eyniadlı pyesə quruluş verib.
“Kod adı: V.X.A - Xalq düşmənlərinin arvadları” olan səhnə əsəri sovet sürgünlərində, məhbəslərində min bir iztirab çəkən, Orta Asiyanın Akmol düşərgəsində həyat və ölüm arasında çarpışan qadınların faciəvi taleyindən bəhs edir.
Səhnə əsərinin premyerası dekabr ayının 17-nə planlaşdırılır. Tamaşanın dekabrın 18-də təkrar nümayişi də nəzərdə tutulub.
Qeyd edək ki, tamaşa Əhməd Cavadın 130 illiyinə, repressiya qurbanı olmuş böyük fikir adamlarına və onların ailə üzvlərinə, xanımlarına ithaf olunur.
Bölmənin digər xəbərləri
