YENİ YARADILMIŞ “DÖVRAN” TEATRI TƏQDİM OLUNACAQDIR
AZƏRTAC xəbər verir ki, iyulun 1-də Rəşid Behbudov adına Dövlət Mahnı Teatrında yeni yaradılmış “Dövran” teatrı təqdim olunacaqdır.
Mərasimdə teatrın təsisçisi, dramaturq Əhməd Orucoğlu onun yaradılması zərurətindən, kollektivin gələcək planlarından söz açacaqdır. Teatrın bədii rəhbəri, xalq artisti, “Qızıl Dərviş” mükafatı laureatı Ağaxan Salmanlının bildirdiyinə görə, tədbirin sonunda Əhməd Orucoğlunun “Açarını itirənlər” komediyası göstəriləcəkdir.
Ağaxan Salmanlının quruluşunda, iki aktyorun (Xuraman Əlizadə və Azər Axşam) ifasında təqdim olunacaq tamaşada var-dövlət hərisliyinin ailə üzvləri arasında məhəbbətə mənfi təsirindən danışılır.
Bölmənin digər xəbərləri
