YENİYETMƏ BASKETBOLÇULARIMIZ BEYNƏLXALQTURNİRDƏN QAYITMIŞLAR
Səkkiz komandanın iki yarımqrupda mübarizə apardığı yarışda İran basketbolçuları ilə yanaşı, Azərbaycan, Gürcüstan, Bəhreyn və Küveyt idmançıları da qüvvələrini sınamışlar.
İlk oyunda İranın birinci komandasına 58:49, bunun ardınca Səmnan şəhərinin təmsilçilərinə 61:58 hesabı ilə məğlub olan Elxan Əliyevin yetirmələri, üçüncü görüşdə Bəhreyn kollektivi üzərində 65:61 hesabı ilə qələbə qazanmışlar. Qrupdakı sonuncu görüşdə Küveyt komandasına bir xalla (60:59) uduzmuş yığmamız 6-cı yerlə kifayətlənməli olmuşdur.
Beynəlxalq turnirdən əlavə, Təbriz və Sərab şəhərlərində də yoxlama oyunları keçirən yığmamız, Təbriz komandasına 76:45, Sərab basketbolçularına isə 71:65 hesabı ilə qalib gəlmişlər.
Qeyd edək ki, bu, yeniyetmə basketbolçularımızın beynəlxalq miqyasda ilk sınağı idi.
Bölmənin digər xəbərləri
