“YES AZƏRBAYCAN-2008” SAMMİTİNDƏ 100-DƏN ÇOX ÖLKƏDƏN 600 NÜMAYƏNDƏ İŞTİRAK EDƏCƏKDİR
P.Ahuvalia bildirmişdir ki, Keniyanın Nayrobi şəhərində keçirilmiş 3-cü sammitdə Azərbaycan nümayəndə heyətinin təklifi ilə növbəti sammitin bu il sentyabrın 24-dən 27-dək Bakıda keçirilməsi qərara alınmış və “Yes Azərbaycan-2008” kampaniyasına start verilmişdir. Bu sammitdə 100-dən artıq ölkədən 600 nümayəndənin iştirakı nəzərdə tutulur.
Sammitdə Misir, Türkiyə, Gürcüstan, İordaniya və digər ölkələrin birinci xanımlarının da iştirakı gözlənilir.
Sammitin prezidenti demişdir ki, tədbirin Bakıda keçirilməsi heç də təsadüfi deyil, Azərbaycanda gənclərin məşğulluğunun təmin olunması ilə bağlı çox böyük təcrübə vardır. Bu təcrübədən regionda yaşayan digər gənclər də yararlana biləcəklər.
Azərbaycan haqqında dolğun məlumata malik olduğunu bildirən qonaq demişdir ki, Heydər Əliyev Fondu, Gənclər və İdman Nazirliyi və YES İnc-in birgə təşkilatçılığı ilə baş tutacaq bu sammit gənclər üçün yeni imkanlar yaradacaqdır. Əminəm ki, Azərbaycan gəncləri regionda lider rolunu oynayacaqlar.
Bölmənin digər xəbərləri
