YEVLAXDA TAXIL BİÇİNİ BAŞLANMIŞDIR
Yevlax, 12 iyun (AZƏRTAC). Yevlax rayonunda taxıl biçininə başlanmışdır.
Ölkədə taxılçılığın inkişafına dövlət tərəfindən göstərilən qayğı, Nazirlər Kabinetinin “Buğda istehsalçılarının maddi marağının artırılması və buğda istehsalının stimullaşdırılması ilə bağlı əlavə tədbirlər haqqında” qərarı torpaq istifadəçilərinin bu sahəyə marağını artırmışdır. Yevlax Şəhər İcra Hakimiyyətindən bildirmişlər ki, cari ilin məhsulu üçün rayonda 14 min 38 hektar sahədə taxıl becərilmişdir. Bunun 10 min 674 hektarı buğda, 3.364 hektarı arpadır. Cari ildə ötən illə müqayisədə 5.367 hektar çox sahədə taxıl əkilmişdir.
Bölmənin digər xəbərləri
