YOD ÇATIŞMAZLIĞI XƏSTƏLİKLƏRİ İLƏ BAĞLI SEMİNAR KEÇİRİLMİŞDİR

06.06.2006 [21:04]
Çap et
A⁺ A^-

AZƏRTAC xəbər verir ki, iyunun 6-da BMT-nin Uşaq Fondu (YUNİSEF) yod çatışmazlığı xəstəlikləri (YÇX) və duzun universal yodlaşdırılması (DUY) üzrə kütləvi informasiya vasitələrinin nümayəndələri üçün seminar keçirmişdir.

Açılış mərasimində YUNİSEF-in ölkəmizdəki nümayəndəliyinin rəhbəri Hana Singer YÇX barədə məlumat vermiş və demişdir ki, dünya üzrə 130 ölkədə təxminən 740 milyon adam yod çatışmazlığı riski qarşısındadır, 50 milyon nəfərdə isə artıq bu çatışmazlığın açıq-aydın izləri görünür.

O, Azərbaycanda YÇX-in və DUY-un ümumi vəziyyəti barədə də danışmış, Milli Məclisdə YÇX-nin qarşısının alınması ilə bağlı qəbul olunmuş qanunun əhəmiyyətini, onun aradan qaldırılması üçün dövlət və qeyri-hökumət təşkilatlarının birgə səyinin vacibliyini qeyd etmişdir.

Beynəlxalq ekspertlərin iştirakı ilə keçirilən seminarda mövzu ilə bağlı çıxışlar dinlənilmiş, müzakirələr aparılmışdır.