YOL-NƏQLİYYAT QƏZALARI ÖLÜMLƏ NƏTİCƏLƏNMİŞDİR
AZƏRTAC xəbər verir ki, Samux rayonunun Qarayeri kəndi ərazisində Gəncə şəhər sakini Məmməd İsmayılova məxsus “VAZ-2107” markalı avtomaşınla, Daşkəsən rayon sakini Saleh Hüseynovun idarə etdiyi “Ural” markalı motosiklet toqquşmuşdur. Nəticədə, motosikletin sərnişini, Şəmkir rayon sakini Valeh İsmayılov hadisə yerində ölmüş, xəsarət almış S.Hüseynov isə xəstəxanaya yerləşdirilmişdir, vəziyyəti qənaətbəxşdir.
Cəlilabad rayonunun Alar kəndi ərazisində isə rayon sakini Dəyanət Bağırlının idarə etdiyi “Mercedes” və Biləsuvar rayon sakini Mirzəli Məmmədova məxsus “VAZ-2106” markalı avtomaşınlar toqquşmuşdur. Nəticədə, M.Məmmədov xəstəxanada, sərnişini, 20-25 yaşlı kişi isə hadisə yerində ölmüşdür.
Hadisələrlə bağlı cinayət işi açılmışdır, araşdırma aparılır.
Bölmənin digər xəbərləri
