YUNANISTAN ARXEOLOQLARI QƏDİM OLİMPDƏ YARIŞLAR KEÇİRİLMƏSİNİN ƏLEYHİNƏDİRLƏR
AZƏRTAC Röyterə istinadla xəbər verir ki, Yunanıstan arxeoloqlarının Mərkəzi Şurası Olimpdəki qədim stadionda beynəlxalq yarış keçirilməsinə qadağa qoymuşdur. Mayın ortaları üçün nəzərdə tutulan və Beynəlxalq Olimpiya Komitəsi tərəfindən dəstəklənən turnirin təşkilatçılarının planlarına görə, qədim Olimpiya stadionunda 100 metr məsafəyə qaçış, uzununa, üçtəkanla, şüvüllə tullanmaq və dəmir lövhə atmaq üzrə yarışlar keçirilməli idi. Həm kişilər, həm də qadınlar arasında yarışlarda 170-dək idmançının çıxış edəcəyi gözlənilirdi.
Bu şou-turnirin keçirilməsi üçün müasir qaçış cığırı düzəltmək tələb olunurdu. Arxeoloqlar da məhz buna etiraz edirlər. Çünki onların fikrincə, bu işlər tarixi yerə düzəldilməsi mümkün olmayan ziyan vura bilər.
Bölmənin digər xəbərləri
