“YUNİBANK” “2005-Cİ İLDƏ SƏMƏRƏLİ BANKİNQ” MÖVZUSUNDA TƏQDİMAT KEÇİRMİŞDİR
“YUNİBANK” kommersiya bankı Biznes mərkəzdə “2005-ci ildə səmərəli bankinq” mövzusunda təqdimat keçirmişdir.
Bankın ictimaiyyətlə əlaqələr şöbəsindən AZƏRTAC-ın müxbirinə bildirmişlər ki, tədbirdən məqsəd ölkənin kiçik və orta biznesinin nümayəndələrini bank məhsullarından və xidmətlərindən səmərəli istifadənin müasir yolları ilə, habelə “YUNİBANK”ın bu istiqamətdə müştərilərinə təqdim etdiyi imkanlarla tanış etməkdir.
Tədbirdə lazımi bankın seçilməsi, bank xidmətləri ilə bağlı xərclərin azaldılması, bankın köməyi ilə səmərəli biznes yaradılması, müasir bank texnologiyaları, lizinq xidmətləri və sair mövzulara toxunulmuşdur.
Bankın idarə heyəti sədrinin birinci müavini Cavid Quliyev bildirmişdir ki, bu layihə əhalinin müxtəlif təbəqələrini bank sektoru sahəsində son nailiyyətlər barədə məlumatlandırmaq vasitələrindən biridir.
Bölmənin digər xəbərləri
