Zaqatala Dövlət Təbiət Qoruğunun ərazisində çətənə bitkisi aşkar olunmuşdur
Bakı, 7 avqust (AZƏRTAC). Ekologiya və Təbii Sərvətlər Nazirliyinin (ETSN) əməkdaşları Zaqatala Dövlət Təbiət Qoruğunda meşələrin qorunub mühafizə olunmasına nəzarətin gücləndirilməsi məqsədi ilə reyd keçirmişlər.
Nazirliyin mətbuat xidmətindən AZƏRTAC-a bildirmişlər ki, avqustun 7-də keçirilən reyd zamanı qoruğun ərazisində, Arılıq meşəsinin Sarıçay sahilində kol-kosdan təmizlənmiş 16 kvadratmetr sahədə tərkibində narkotik maddələr olan 1-3,5 metr hündürlüyündə 29 ədəd çətənə bitkisinin əkilib becərilməsi və onlara aqrotexniki qulluq edilməsi faktı aşkar olunmuşdur.
Faktla bağlı ETSN tərəfindən dərhal Daxili İşlər Nazirliyinin aidiyyəti qurumuna məlumat verilmişdir.
Hazırda araşdırma aparılır.
Bölmənin digər xəbərləri
