ZAQATALADA 3 MİN TONDAN ARTIQTÜTÜN İSTEHSAL EDİLMİŞDİR
Zaqatala Rayon İcra Hakimiyyətindən AZƏRTAC-ın müxbirinə bildirmişlər ki, mövsümün əvvəlindən indiyədək rayonun tütünçülük təsərrüfatlarında 3 min 200 tona yaxın quru tütün istehsal edilmişdir ki, bu da ötən ilin eyni dövrü ilə müqayisədə 100 ton çoxdur. İlin sonunadək rayonda tütün istehsalının daha 200 ton artaraq, 3 min 400 tona çatacağı gözlənilir. Bu, cari ildə respublika üzrə proqnozlaşdırılan quru tütün istehsalının təxminən yarısına bərabərdir.
Tütünçülüyün inkişafı ilə bağlı həyata keçirilən ardıcıl tədbirlər nəticəsində cari ildə Zaqatalada bu bitkinin əkin sahələri daha da genişləndirilərək 1205 hektara çatdırılmışdır. Əkin sahələrinin 183 hektarını ətirli tütün əkinləri təşkil edir ki, bu da əvvəlki illə müqayisədə 42 hektar çoxdur.
Bölmənin digər xəbərləri
