ZAQATALALI MÜTƏXƏSSİSLƏRİN İŞİ YÜKSƏK QİYMƏTLƏNDİRİLMİŞDİR
Zaqatala rayonunun damazlıq işi üzrə mütəxəssisləri İlham Soltanov və Əzizxan Səmədov rayonda mal-qaranın cins tərkibini yaxşılaşdırmaq məqsədi ilə 2005-ci ildə apardıqları süni mayalama tədbirlərinin kəmiyyət və keyfiyyət göstəricilərinə görə Kənd Təsərrüfatı Nazirliyinin I və II dərəcəli fəxri fərmanlarına, pul mükafatlarına layiq görülmüşlər. 2005-ci ildə onların hər biri 500 başdan artıq inək və düyəni süni mayalandırmışlar.
Rayon icra hakimiyyətinin aqrar məsələlər şöbəsindən AZƏRTAC-ın müxbirinə bildirmişlər ki, Kənd Təsərrüfatı Nazirliyində keçirilən müvafiq müşavirədə zaqatalalı mütəxəssislərin damazlıq işi sahəsindəki fəaliyyətindən geniş söz açılmışdır.
Bölmənin digər xəbərləri
