Zelenski: Prezident Tramp ilə görüş məhsuldar olub
Kiyev, 23 yanvar, AZƏRTAC
“Prezident Tramp ilə görüş yaxşı keçdi, məhsuldar və məzmunlu oldu. Komandaların işi barədə danışdıq, faktiki olaraq hər gün görüşlərin və ya ünsiyyətin olduğunu qeyd etdik”.
AZƏRTAC xəbər verir ki, bu fikirləri Ukrayna Prezidenti Volodimir Zelenski “Telegram”da bildirib.
“Ukrayna üçün HHM məsələsini də müzakirə etdik. Prezident Tramp əvvəlki görüşdə Ukrayna səmasının müdafiəsində kömək etmişdi. Ümid edirəm ki, bu dəfə də güclənəcəyik. HHM üçün əvvəlki raket paketinə görə təşəkkür etdim, əlavə yardım xahiş etdim. Bu, insanların həyatının qorunması, bizim dayanıqlılığımız və birgə diplomatik iş deməkdir”, – deyə Ukrayna Prezidenti vurğulayıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
