Zelenski: Ukrayna Rusiya ilə dialoqun başqa formatlarını müzakirə etməyib
Kiyev, 14 may, AZƏRTAC
Kiyev indiyədək yalnız Ukrayna Prezidenti ilə Rusiya lideri Vladimir Putin arasında görüşü nəzərdən keçirib. Digər əlaqə formatları müzakirə olunmayıb.
AZƏRTAC xəbər verir ki, bu barədə Ukrayna Prezidenti Volodimir Zelenski mətbuat konfransında bildirib.
Ukrayna dövlət başçısının sözlərinə görə, o, həm Rusiya, həm də ABŞ tərəfindən səslənən danışıqlar təkliflərinə reaksiya verib.
“Mən Putinlə görüşməyə hazıram. Hələ ki, başqa formatları işləməmişik və müzakirə etməmişik”, - deyə o, əlavə edib.
Prezident mümkün olacaq danışıqlarda tək olmayacağını bildirib. Həmçinin, Ukrayna mümkün danışıqlar çərçivəsində yalnız təklif olunanları nəzərdən keçirir.
Ukrayna mediası xatırladır ki, Rusiya Prezidenti Vladimir Putin mayın 15-də İstanbulda Ukrayna Prezidenti Volodimir Zelenski ilə görüşə hələ də razılıq verməyib. Ukrayna ilə Rusiya arasında danışıqlar planlaşdırılır, lakin onların hansı səviyyədə aparılacağı məlum deyil.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
