Zelenski: Ukraynanın mövqeyi dəyişməyib, tam atəşkəs vacibdir
Kiyev, 11 dekabr, AZƏRTAC
Hazırda ABŞ hesab edir ki, Ukrayna ilə Rusiya arasında tam atəşkəs yalnız çərçivə sazişinin imzalanmasından sonra mümkündür. Bununla belə, Vaşinqton ayrı-ayrılıqda enerji atəşkəsini nəzərdən keçirmir.
AZƏRTAC xəbər verir ki, bunu Ukrayna Prezidenti Volodimir Zelenski jurnalistlərlə görüşü zamanı deyib.
"Amerika Birləşmiş Ştatları Rusiya tərəfi ilə dəfələrlə danışıqlar apardıqdan sonra hesab edir ki, tam atəşkəs yalnız çərçivə sazişinin imzalanması ilə baş verə bilər. Mənim fikrimcə, heç kimə sirr deyil ki, heç bir razılaşma olmasa, ruslar yalnız enerji atəşkəsi ilə razılaşmayacaq", - deyə Zelenski bildirib.
Zelenski, həmçinin qeyd edib ki, Ukraynanın mövqeyi dəyişməyib, tam atəşkəs vacibdir.
Enerji və dəniz atəşkəsi ehtimalını şərh edən Zelenski Türkiyənin belə bir plan üzərində işlədiyini deyib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
