Zərdab rayonunda qanunsuz ov edən şəxs polisə xəsarət yetirərək qaçıb
Bakı, 24 noyabr, AZƏRTAC
Ucar rayon sakinləri S.Qasımov, Ə.Abdurəhmanov və oğlu R.Abdurəhmanov Zərdab rayonunun Məlikumudlu kəndi ərazisində qanunsuz ov etdikləri üçün həmin ərazidə xidmət aparan Zərdab Rayon Polis Şöbəsinin əməkdaşları tərəfindən şöbəyə dəvət edilərkən R.Abdurəhmanov tüfəngin qundağı ilə polis əməkdaşının əl nahiyəsinə xəsarət yetirib və tüfəngdən atəş açaraq qaçıblar.
DİN-in mətbuat xidmətindən AZƏRTAC-a bildirilib ki, görülmüş tədbirlərlə onlar tutulublar.
Hadisə yerindən müvafiq sənədləri olmayan “TOZ-16” markalı ov tüfəngi, 11 ədəd patron və 1 ədəd patrondaş polis əməkdaşları tərəfindən aşkarlanaraq götürülüb.
Bölmənin digər xəbərləri
