Zərdab rayonunun daha 12 kəndində modul tipli sutəmizləyici qurğu tikiləcəkdir
Zərdab, 11 avqust (AZƏRTAC). Zərdab rayonunda əhalinin ekoloji cəhətdən təmiz, içməli su ilə təminatı istiqamətində tədbirlər davam etdirilir.
Rayon icra hakimiyyətindən AZƏRTAC-a bildirmişlər ki, artıq Zərdabın 17 yaşayış məntəqəsində bu cür qurğular istifadəyə verilmişdir. Bu qurğular vasitəsilə ekoloji cəhətdən təmizlənən su 194 bulaq vasitəsilə sakinlərə paylanır.
Ekologiya və Təbii Sərvətlər Nazirliyi tərəfindən növbəti mərhələdə rayonun daha 12 kəndində modul tipli sutəmizləyici qurğunun tikilməsinə və kəndlərin ayrı-ayrı məhəllələrinə bulaq çəkilməsinə hazırlıq işləri aparılır. Artıq bu məqsədlə Qaravəlli, Çallı, Xanməmmədli, Əlibəyli, Hüseynxanlı, Aşağı Seyidlər, Salahlı, Gəlmə, Allahqulubağı, Sarıqaya, Otmanoba və Şəftəhal kəndlərində torpaqayırma və digər sənədlər hazırlanaraq nazirliyə təqdim olunmuşdur.
Bölmənin digər xəbərləri
