İspaniyanın televiziya kanalında yayımlanan proqramda Ermənistanın Azərbaycana qarşı hərbi təcavüzü tənqid olunubVİDEO

20.07.2020 [11:11]
Çap et
A⁺ A^-

Madrid, 20 iyul, AZƏRTAC

İspaniyada və Latın Amerikası ölkələrində geniş izləyici kütləsinə malik olan “Tu Voz en Pinares” televiziya kanalında Ermənistanın ölkəmizə qarşı sonuncu hərbi təxribatı kəskin şəkildə pislənilib.

AZƏRTAC-ın məlumatına görə, “Tu Voz en Pinares” televiziya kanalının aparıcısı Mikaela de Pablonun təqdimatında yayımlanan proqramda Ermənistanın ölkəmizə qarşı əsrlər boyu həyata keçirdiyi təcavüzkar siyasət sərt şəkildə tənqid olunub.

Azərbaycan xalq mahnısı “Sarı gəlin”in sədaları altında yayımlanan proqramda Şərqdə ilk demokratik respublikanın davamçısı olan Azərbaycan Respublikasının 1991-ci ildə öz müstəqilliyini əldə edən zaman Ermənistanın hərbi təcavüzü və etnik təmizləmə siyasətinə məruz qalması, Azərbaycanın Dağlıq Qarabağ regionu və yeddi ətraf rayonun işğal olunması faktı xüsusi olaraq vurğulanıb.

Verilişdə iyulun 12-dən etibarən Ermənistan silahlı qüvvələrinin ağır artilleriyadan istifadə edərək Ermənistan-Azərbaycan sərhədində yerləşən Tovuz rayonu istiqamətində Azərbaycan dövlət sərhədinin pozulmasına cəhd edərək ölkəmizə qarşı növbəti hərbi təcavüz aktı törətməsi kəskin şəkildə qınanılıb, bu cür təxribatyönümlü əməllərin mənfur qonşularımızın təcavüzkar siyasətinin növbəti təzahürü olduğu diqqətə çatdırılıb.

Nigar Cəfərli

AZƏRTAC-ın xüsusi müxbiri

Madrid