200 İL ƏVVƏL MÜHARİBƏDƏ ƏLƏ KEÇİRDİKLƏRİ “MAYSUR PƏLƏNGİ” HİNDİSTANA QAYTARILDI
Həmin qılıncı britaniyalılar 200 il bundan əvvəl, 1799-cu ildə həlledici döyüşlərin birində sultanı məğlubiyyətə uğratdıqdan sonra hindlilərdən müsadirə etmişdilər.
2003-cü ilin payızında keçirilmiş hərracda Tipu sultanın “Maysur pələngi” adlanan qılıncını Hindistan maqnatı Vicya Malyanın almasına baxmayaraq, qılıncın yeni sahibinin adı yarım il məxfi saxlanılmışdır.
Qılıncı hərraca Şotlandiya generalı Devid Bayrdın ailəsi çıxarmışdır. Tipu sultanın ordusu ilə döyüşlərdə göstərdiyi şücaətinə görə qılıncı generala hədiyyə olaraq vermişdilər.
Qənimətin indiki sahibi bildirmişdir ki, o, qılıncı məşhur sahibinin - 40 ilə yaxin müddətdə britaniyalıların canına vəlvələ salan sultanın vətəninə qaytarmaq istəyir. O demişdir: “Hindistandan başqa heç kəsin bu məşhur qılınca sahib olmağa ixtiyarı yoxdur”.
