20 Yanvar Azərbaycan tarixinin hüznlü olduğu qədər də şanlı səhifələrindən biridir
Bakı, 20 yanvar, AZƏRTAC
Bu gün Ümumxalq Hüzn Günüdür. Azərbaycan xalqının qürur ünvanına çevrilmiş 20 Yanvar hadisələrindən 28 il ötür. Şəhidlər xiyabanı azadlığımızın, milli iradəmizin qürur mənbəyidir.
Bu sözləri AZƏRTAC-a müsahibəsində Vətənin azadlığı və suverenliyi uğrunda canlarından keçmiş Azərbaycanın oğul və qızlarının əziz xatirəsini yad etmək üçün Şəhidlər xiyabanına gələn şəhər sakini Nəcəf Nəcəfli deyib.
"Qanlı Yanvar günlərində Azərbaycanın azadlığı uğrunda mübarizəyə qalxmış dinc əhaliyə qarşı qırğın törədilib. 1990-cı il yanvarın 20-də baş verən faciəli hadisələr sovet imperiyasının xalqımıza qarşı törətdiyi amansız cinayət idi. Həmin gün dinc insanlar amansızlıqla qətlə yetirilib, ailələr başsız qalıb, minlərlə insan yaralanıb. Bu tarix xalqımızın öz suverenliyi uğrunda cəsarət nümayiş etdirdiyi şərəfli bir tarixdir. 20 Yanvar Azərbaycan tarixinin hüznlü olduğu qədər də şanlı səhifələrindən biridir. Allahdan şəhidlərimizə rəhmət, ailələrinə səbir diləyirəm. Onların qanı yerdə qalmayacaq", - deyə Nəcəf Nəcəfli bildirib.
Bölmənin digər xəbərləri
