20 Yanvar şəhidləri Hacıqabulda da böyük məhəbbətlə anılmışdır
Hacıqabul, 20 yanvar (AZƏRTAC). Yanvarın 20-də Hacıqabul şəhərindəki Şəhidlər Xiyabanında 20 Yanvar şəhidlərinin xatirəsi böyük məhəbbətlə anılmışdır.
AZƏRTAC xəbər verir ki, mərasim iştirakçıları burada uyuyan 87 nəfər Qarabağ müharibəsi şəhidinin məzarları önünə gül dəstələri düzmüş, ölkəmizin suverenliyi və ərazi bütövlüyü uğrunda şəhid olanların xatirəsini ehtiramla yad etmiş, ruhlarına dualar oxumuşlar.
Xiyabanda keçirilən mərasimdə çıxış edənlər 20 Yanvar faciəsinin tariximizin həm qanlı, həm də qəhrəmanlıq səhifəsi olduğunu vurğulamış, xalqımızın azadlığı, ölkəmizin ərazi bütövlüyü uğrunda şəhid olanların ailələrinə Prezident İlham Əliyev tərəfindən daim qayğı göstərildiyini razılıq hissi ilə diqqətə çatdırmışlar.
Bölmənin digər xəbərləri
