20 Yanvar şəhidlərinin xatirəsi xalqımızın qəlbində əbədi yaşayacaqdır
Ağdam, 22 yanvar (AZƏRTAC). Artıq 24 ildir ki, xalqımız 20 Yanvar gününü ümumxalq hüzn günü kimi qeyd edir. 20 Yanvar şəhidlərinin xatirəsi xalqımızın qəlbində əbədi yaşayacaqdır.
Bu sözləri Ağdam rayonundakı “Şəhidlər” abidə kompleksini ziyarətə gəlmiş 135 saylı Ağdam köçkün məktəbinin direktoru Yaşar Ağayev AZƏRTAC-a müsahibəsində demişdir. Bildirmişdir ki, 1990-cı il yanvarın 20-də Azərbaycanın müstəqilliyi, azadlığı uğrunda mübarizəyə qalxan qəhrəman oğul və qızlarımız silahlı sovet ordusunun qarşısına əliyalın çıxmış, Vətənin azadlığını öz canlarından əziz tutmuşlar. Xalqımızın azadlıq ruhunu boğmağa çalışan imperiya öz məqsədinə nail ola bilməmişdir. 20 Yanvar faciəsi Azərbaycan xalqının azadlıq mübarizəsinin və qəhrəmanlıq salnaməsinin parlaq səhifəsidir.
Bölmənin digər xəbərləri
