AZƏRTAC EANA-nın konfransında iştirak edib VİDEO
Paris, 15 sentyabr, AZƏRTAC
Sentyabrın 15-də Parisdə Avropa Xəbər Agentlikləri Alyansının (EANA) konfransı keçirilib. Azərbaycan Dövlət İnformasiya Agentliyi - AZƏRTAC bu tədbirdə iştirak edib.
Ənənəvi olaraq Alyansın Baş Assambleyanın ardından keçirilən bugünkü tədbirdə rəqəmsal texnologiyalar əsrində xəbər sənayesinin qarşısında duran aktual məsələlər müzakirə edilib.
Konfransın başlıca mövzusu iqlim dəyişikliyi məsələlərini işıqlandıran jurnalistlərin qarşılaşdığı problemlər olub. Əsas məruzəçilər qismində “Global Climate Hub”ın rəhbəri Volfqanq Blo, “Guardian News & Media”nın jurnalisti Patrik Qrinfild və France-Press agentliyinin iqlim departamentinin direktor müavini İvan Kurdon çıxış ediblər.
Məruzələrdən sonra İspaniyanın EFE agentliyinin prezidenti Qabriela Kanas, Türkiyənin Anadolu agentliyinin rəhbəri Sərdar Karagöz və Yunanıstanın ANA-MPA agentliyinin prezidenti Aimilios Perdikaris öz təklifləri ilə çıxış ediblər.
Təqdimatlardan sonra toxunulan məsələlər ətrafında canlı diskussiya aparılıb.
Konfransın sonunda France-Press agentliyinin xəbər zalına baxış keçirilib.
Vüqar Seyidov
AZƏRTAC-ın xüsusi müxbiri
Paris
Bölmənin digər xəbərləri
