31 MART - AZƏRBAYCANLILARIN SOYQIRIMI GÜNÜ KANADADA DA GENİŞ QEYD EDİLƏCƏKDİR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, 31 mart - Azərbaycanlıların soyqırımı günü Kanadada da geniş qeyd ediləcəkdir. Bu ölkədə fəaliyyət göstərən Azərbaycan Təşkilatları Federasiyası 31 mart soyqırımı faciəsi barədə məlumatları və bu qətliam aktını tanımağa çağıran müraciəti əks etdirən açıqcalar hazırlayaraq Kanada parlamentinin və hökumətinin üzvlərinə, beynəlxalq təşkilatlara göndərəcəklər. Bu açıqcalar martın 31-də Ottavada keçiriləcək mitinq zamanı ictimaiyyət nümayəndələrinə də paylanılacaqdır. Açıqcaların hazırlanmasına və aksiyanın keçirilməsinə Azərbaycan Respublikasının Kanadadakı səfirliyi yaxından dəstək vermişdir.
Bölmənin digər xəbərləri
