31 mart soyqırımı Azərbaycan xalqının yaddaşından silinməyəcək
Bakı, 31 mart, AZƏRTAC
Bakı Slavyan Universitetində (BSU) 31 mart - Azərbaycanlıların Soyqırımı Gününə həsr olunan anma mərasimi keçirilib.
Universitetdən AZƏRTAC-a bildiriblər ki, əvvəlcə soyqırımı ilə bağlı qısametrajlı film nümayiş olunub, soyqırımı qurbanlarının xatirəsi bir dəqiqəlik sükutla yad edilib.
Mərasimdə BSU-nun rektoru, professor Asif Hacıyev azərbaycanlılara qarşı məqsədyönlü şəkildə həyata keçirilmiş etnik təmizləmə və soyqırımı siyasəti nəticəsində xalqımızın ağır məhrumiyyətlərə məruz qaldığını vurğulayıb. Faciənin təkcə Azərbaycan xalqına qarşı deyil, bütün dünyadakı sivil insanlara qarşı yönəlmiş genosid olduğu qeyd edilib. Ulu öndər Heydər Əliyev tərəfindən soyqırımına dövlət səviyyəsində siyasi-hüquqi qiymət verildiyini vurğulayan natiq 31 mart soyqırımının dünya arenasında lazımi səviyyədə tanınacağına əminliyini bildirib.
Tədbirdə digər çıxış edənlər də mart qırğınlarının Azərbaycan xalqının yaddaşından heç vaxt silinməyəcəyini, bu faciə barədə məlumatları həm dünya dövlətlərinə, xalqlarına, həm də Azərbaycan gənclərinə çatdırmağın hər bir azərbaycanlının borcu olduğunu vurğulayıblar.
Bölmənin digər xəbərləri
