Paytaxtda oğurluq edən qardaşlar saxlanılıblar VİDEO
Bakı, 19 yanvar, AZƏRTAC
Səbail rayonundakı evlərin birindən oğurluq edilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, ev sahibi 5 min manat dəyərində məişət əşyalarının talanması barədə polisə məlumat verib.
Səbail Rayon Polis İdarəsinin 8-ci polis şöbəsi əməkdaşlarının keçirdikləri tədbirlər nəticəsində həmin əməli törətməkdə şübhəli bilinən iki qardaş - 31 yaşlı Elməddin Sadiqov və 29 yaşlı Ümüd Sadiqov saxlanılıblar.
Araşdırmalar nəticəsində onların digər bir obyektin saxlanc yerindən də avtomobil ehtiyat hissələri oğurlayaraq satdıqları müəyyən edilib.
Araşdırmalar davam etdirilir.
Bölmənin digər xəbərləri
