Dördqat Avropa çempionu: Üzərimdə böyük məsuliyyət var idi VİDEO

23.04.2026 [21:07]
Çap et
A⁺ A^-

Bakı, 23 aprel, AZƏRTAC

Ardıcıl dördüncü dəfə Avropa çempionu olmaq qürurverici hissdir.

AZƏRTAC xəbər verir ki, bu sözləri Albaniyanın paytaxtı Tiranada keçirilən Avropa çempionatında qızıl medal qazanan Azərbaycanın yunan-Roma güləşçisi Həsrət Cəfərov deyib.

67 kiloqram çəki dərəcəsində mübarizə aparan idmançı nəticəyə görə xoşbəxt olduğunu bildirib: "Üzərimdə böyük məsuliyyət var idi. Bilirdim ki, tarixə düşə bilərəm. Şükür ki, bunu bacardım. Yüksək hazırlıq keçdiyimiz üçün qızıl medal qazandım. Xalda arxaya düşsəm də, geri dönüş edə bildim".

_{Müxbir - Cavid Əliyev}

_{Fotoqraf - Azər İbrahimov}

_{Videoqraf - Vüsal Tağıyev}