Rəşad Rəsullu: Hər çəki dərəcəsində medal qazanacağımızı deyə bilmərik VİDEO
Bakı, 16 iyul, AZƏRTAC
İdmançılarımızın hər birinin medal uğrunda güləşmək potensialı var.
AZƏRTAC xəbər verir ki, bu sözləri Azərbaycan Cüdo Federasiyasının icraçı vitse-prezidenti Rəşad Rəsullu Bakıda keçiriləcək dünya çempionatına həsr olunmuş mətbuat konfransında deyib.
O, milli komandanın qarşısına konkret medal hədəfi qoymadıqlarını bildirib: “Deyə bilmərik ki, hər çəki dərəcəsində medal qazanacağıq. Bizim üçün əsas olan odur ki, hər bir idmançımız sonadək mübarizə aparsın və məşqçilərin verdiyi tapşırıqları tam yerinə yetirsin. Əgər bunu görsək, nəticənin də gələcəyinə inanırıq”.
Rəşad Rəsullu hakimlik məsələsinə də toxunub: “İnanırıq ki, ən yaxşı hakimimiz Nazim Umbayev Bakıdakı dünya çempionatına təyinat alacaq. Onun reytinq xalları yüksəkdir və beynəlxalq hakimlər arasında 12-ci pillədə qərarlaşıb. Nazim Umbayev ölkəmizdə ilk dəfə keçirilən dünya çempionatına da təyinat almışdı. Gələcəkdə onun Olimpiya Oyunlarına da təyinat almaq şansı var. Bunun üçün reytinqini daha da yüksəltməlidir”.
Qeyd edək ki, dünya çempionatı oktyabrın 4-11-də təşkil olunacaq.
Bölmənin digər xəbərləri
