Konfrans Liqası: "Qarabağ" "Dinamo"nu məğlub edərək pley-offa yüksəlib - YENİLƏNİB

13.08.2026 [22:02]
Çap et
A⁺ A^-

Bakı, 13 avqust, AZƏRTAC

"Qarabağ" UEFA Konfrans Liqasında pley-offa yüksəlib.

AZƏRTAC xəbər verir ki, Ağdam təmsilçisi III təsnifat mərhələsinin cavab oyununda Ukraynanın “Dinamo” (Kiyev) komandasını qəbul edib. Tofiq Bəhramov adına Respublika Stadionunda baş tutan görüş Azərbaycan təmsilçisinin 2:0 hesablı qələbəsi ilə yekunlaşıb.

Qolları 12-ci dəqiqədə Jali Muaddib və 69-cu dəqiqədə Aleksey Kaşuk vurub.

Ümumi hesabda rəqibini 2:1 üstələyən "Qarabağ" adını pley-offa yazdırıb.

Qeyd edək ki, "Qarabağ" Konfrans Liqasının pley-off mərhələsində “Tvente” (Niderland) – “Dunayska Streda” (Slovakiya) cütünün qalibi ilə qarşılaşacaq. Niderland klubu ilk görüşdə rəqibini darmadağın edib - 6:0.

21:11

UEFA Konfrans Liqası çərçivəsində Bakıda “Qarabağ” və Ukraynanın “Dinamo” (Kiyev) komandaları arasında III təsnifat mərhələsinin cavab oyununda ikinci hissə başlayıb.

AZƏRTAC xəbər verir ki, Tofiq Bəhramov adına Respublika Stadionunda keçirilən qarşılaşmanın ilk yarısından sonra Ağdam klubu 1:0 hesabı ilə qalib gəlir.

Qolu 12-ci dəqiqədə Jali Muaddib vurub.

20:01

UEFA Konfrans Liqası çərçivəsində Bakıda “Qarabağ” və Ukraynanın “Dinamo” (Kiyev) komandaları arasında III təsnifat mərhələsinin cavab oyunu başlayıb.

AZƏRTAC xəbər verir ki, Tofiq Bəhramov adına Respublika Stadionunda keçirilən qarşılaşma saat 20:00-da start götürüb.

Görüşü ingiltərəli baş hakim Stüart Etuel idarə edir.

Qeyd edək ki, komandalar arasında ilk oyun rəqibin 1:0 hesablı qələbəsi ilə yekunlaşıb.

_{Müxbir - Cavid Əliyev}

_{Fotoqraf - İlkin Cavanşirov}