Fransada yüzlərlə evsiz şəxs toplaşdıqları meydandan çıxarılıb
Paris, 13 avqust, AZƏRTAC
Fransanın paytaxtı Parisdə yüzlərlə evsiz şəxs, o cümlədən 150-yə yaxın uşaq təcili sosial yardım xidməti olan “Samusocial de Paris”in qarşısındakı meydandan çıxarılıb.
AZƏRTAC xəbər verir ki, humanitar yardım təşkilatı olan “Utopia 56” güclü istilər fonunda bu prosesin həyata keçirilməsini tənqid edib.
Qeyd edək ki, evsiz ailələr, sığınacaq istəyən şəxslər, tətil edən “Samusocial de Paris”in əməkdaşları və humanitar təşkilatların fəalları meydanda toplaşmışdılar. Onlar təhlükəsiz sığınacaqlarla təmin olunmamalarını tələb edirdilər.
Lakin Paris prefekturası ərazinin boşaldılmasını tələb edib və proses icra olunub.
Məlumata görə, hakimiyyət orqanları onlara təcili yerləşdirmə imkanları, o cümlədən Paris regionundan kənarda yerləşən müəssisələrdə sığınacaq təklif etməyi planlaşdırır.
Bölmənin digər xəbərləri
