Britaniyada qatarın relsdən çıxması nəticəsində 11 nəfər xəsarət alıb - YENİLƏNİB

13.08.2026 [22:46]
Çap et
A⁺ A^-

London, 13 avqust, AZƏRTAC

Cənub-Şərq Sahil Təcili Yardım Xidmətinin məlumatına görə, Şərqi Sasseksdəki Lüis yaxınlığında qatarın relsdən çıxması nəticəsində 11 nəfər xəsarət alıb.

“Sky News”-un verdiyi məlumata görə, açıqlamada deyilir: "Bu mərhələdə iki xəstənin ciddi xəsarət aldığını təsdiqləyə bilərik. Daha doqquz xəstə isə daha yüngül xəsarətlər alıb. Xəstələr hadisə yerində müayinə və müalicə olunub. Bəziləri əlavə müalicə üçün yerli xəstəxanalara aparılıb".

Londondan İstborna gedən qatarda təxminən 150 nəfər olub.

20:23

İngiltərənin Şərqi Sasseks qraflığında sərnişin qatarı relsdən çıxıb.

AZƏRTAC BBC-yə istinadla xəbər verir ki, hadisə bu gün yerli vaxtla saat 15:54-də Heyvards Hit və Luis şəhərləri arasındakı dəmir yolu xəttində baş verib. İlkin məlumatlara görə, “Southern Railway” şirkətinə məxsus qatarın azı iki vaqonu relsdən çıxaraq aşıb.

Britaniya Nəqliyyat Polisi hadisə yerinə təcili tibbi yardım və yanğınsöndürmə xidmətlərinin cəlb olunduğunu bildirib. Qatarda olan sərnişinlərdən biri hadisə zamanı vaqonun qəfil yuxarı qalxdığını deyib.

Böyük Britaniyanın nəqliyyat naziri Haydi Aleksander hadisədən “dərin narahatlıq” keçirdiyini bildirib. Hadisənin səbəbləri ilə bağlı hələlik əlavə məlumat verilməyib.

_{Aytən Abbaslı}

_{AZƏRTAC-ın xüsusi müxbiri}

_London