Güləşçilərimiz İstanbuldan Vətənə üç medalla qayıdıblar VİDEO
Bakı, 30 mart, AZƏRTAC
İstanbulda Yaşar Doğunun xatirəsinə həsr olunan güləş üzrə sayca 43-cü beynəlxalq turnirdə sərbəst güləş üzrə Azərbaycan yığması üç medal qazanıb.
AZƏRTAC xəbər verir ki, məşqçilər Nazim Əlicanov və David Kurtsiyanın rəhbərliyi ilə turnirdə mübarizə aparan güləşçilərimiz yarışların ilk günü 2 bürünc medal qazanıb. Ruslan Qasımov (57 kq) və Ağahüseyn Mustafayev (65 kq) fəxri kürsünün üçüncü pilləsində qərarlaşıb.
Turnirin ikinci günündə isə təmsilçimiz Aleksandr Qostiyev (86 kq) yığmamıza qızıl medal qazandırıb. Finaladək bütün rəqiblərindən üstün olan güləşçimiz həlledici görüşdə Polşa təmsilçisinə də heç bir şans verməyib.
Görüşlərin idarə edilməsində ölkəmizi beynəlxalq dərəcəli hakim Vaqif Zeynallı təmsil edib.
Bölmənin digər xəbərləri
