DÜNYA


Əfqanıstanda terror aktı nəticəsində ölənlərin sayı 26 nəfərə çatıb

Bakı, 16 iyun, AZƏRTAC

Əfqanıstanın şərqində yerləşən Nanqarhar vilayətində Ramazan bayramı münasibətilə keçirilən mərasimə terrorçu-kamikadze tərəfindən hücum edilib.

AZƏRTAC xəbər verir ki, Tolo news telekanalının hüquq mühafizə orqanlarına istinadla yaydığı məlumata görə, partlayış nəticəsində ölənlərin sayı 26 nəfərə çatıb, yaralananların sayı isə 50-ni ötüb. Hücumun məsuliyyətini İŞİD terror qruplaşması üzərinə götürüb.

“Hüquq mühafizə orqanlarının nümayəndələri təsdiqləyiblər ki, Nanqarhar vilayətində “Taliban” hərəkatı üzvlərinin və təhlükəsizlik qüvvələri əməkdaşlarının iştirakı ilə keçirilən tədbirə hücum nəticəsində 26 nəfər həlak olub, daha 54 nəfər yaralanıb”, - telekanalın Twitter səhifəsindəki xəbərdə belə deyilir.

Xatırladaq ki, Əfqanıstan Prezidenti Əşrəf Qani Ramazan bayramı ilə əlaqədar iyunun 11-dən 19-dək ölkədə birtərəfli qaydada atəşkəs elan etmişdi. Sonradan hökumətin ardınca “Taliban” hərəkatı da atəşin üç günlüyə dayandırılması barədə bəyanat vermişdi.

İyunun 16-da Əşrəf Qani müddət göstərilmədən atəşkəsin birtərəfli qaydada uzadıldığını elan edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.