SİYASƏT


Gürcüstan geotimes.ge portalı Azərbaycan XİN-in bəyanatını yayıb

Tbilisi, 13 iyul, AZƏRTAC

İyulun 12-də Ermənistan silahlı qüvvələri tərəfindən Azərbaycan-Ermənistan dövlət sərhədinin Tovuz istiqamətində mövqeləri ələ keçirmək məqsədilə artilleriyadan istifadə edərək hücuma keçmək cəhdləri ilə bağlı Azərbaycanın Xarici İşlər Nazirliyinin bəyanatı Gürcüstanın dövlət qurumlarına və yerli KİV-ə göndərilib, habelə Diplomatik Nümayəndəliyimizin internet səhifəsində yerləşdirilib.

AZƏRTAC xəbər verir ki, Gürcüstanın nüfuzlu geotimes.ge saytı bəyanatın tam mətnini ingilis və rus dillərində dərc edib.

Materialda Azərbaycan Silahlı Qüvvələrinin cavab atəşi və əks-həmlə tədbirləri nəticəsində Ermənistan silahlı qüvvələrinin hücum cəhdinin qarşısının alınması və ərazilərin Azərbaycan Ordusunun nəzarəti altında olması vurğulanır.

Eyni zamanda bütün mənbələrdə Dağlıq Qarabağ və ona bitişik yeddi rayonun məhz Azərbaycan ərazisi olması və Ermənistan tərəfindən işğal edilməsi faktı qeyd edilir.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.