DÜNYA


“LUKoil” gələn aydan İrandakı “Al-Teymir” layihəsindəki işlərini dayandıracaq

Tehran, 13 oktyabr, AZƏRTAC

Rusiyanın “LUKoil” şirkəti noyabrın 4-dən etibarən İrandakı “Al-Teymir” layihəsindəki işlərini dayandıracaq.

AZƏRTAC “Mehr” agentliyinə istinadla xəbər verir ki, bu barədə şirkətin prezidenti Vahid Ələkbərov deyib.

V.Ələkbərov daha əvvəl “LUKoil”un İrandan neft almayacağını bəyan edib. O, ABŞ-ın İrana qarşı sanksiyalarını və “LUKoil”un beynəlxalq şirkət olduğunu əsas gətirərək risk etmək istəmədiklərini bildirib. Onun sözlərinə görə, İranda işlərin davam etdirilməsi şirkətə baha başa gələ bilər.

Xatırladaq ki, ABŞ-ın İrana qarşı tətbiq etdiyi sanksiyaları bərpa etdikdən sonra Fransanın “Total”, Norveçin “Equinor” şirkətləri də bu ölkədəki layihələrindən imtina ediblər. “Equinor” şirkəti sanksiyalarla əlaqədar İranda 40 milyon dollar itirdiyini bəyan edib.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.