İDMAN


“River Pleyt” Madriddə “Libertadores” kubokunun final matçından imtina edib

Bakı, 2 dekabr, Nicat Məmmədov, AZƏRTAC

“Libertadores” kuboku uğrunda Argentinanın “River Pleyt” və “Boka Xuniors” klubları arasında final matçının cavab görüşü İspaniyanın paytaxtı Madriddə keçiriləcək. Bu qərardan sonra “River Pleyt” klubunun rəhbərliyi final matçından imtina edib.

AZƏRTAC xəbər verir ki, “River Pleyt” klubunun prezidenti Rodolfo Donofrio bu qərara etirazını bildirərək deyib: “Klubun azarkeşlərinin hər hansı qayda pozuntusuna biz məsuliyyət daşımırıq. Onlarla heç bir əlaqəmiz yoxudur və bunu biz siğorta edə bilmərik. Final oyununun Madriddə keçirilməsini qarşılaşmaya gələn 66 min pərəstişkarımızın ünvanına hörmətsizlik kimi qiymətləndiririk. Düşünürəm ki, Argentina Futbol Federasiyası (AFA) “super klassiko”nun ölkəmizdən qıraqda keçirilməsinə qarşı çıxmalıdır”.

Cənubi Amerika Futbol Konfederasiyası (CONMEBOL) görüşün Argentinanın hüdudlarından kənarda keçiriləcəyini açıqlayandan sonra oyuna ev sahibliyi ilə bağlı bir neçə şəhərdən təklif irəli sürülüb. Uzun müzakirələrdən sonra CONMEBOL rəhbərliyi matçın Madriddə keçirilməsinə dair qərar qəbul edib.

Qeyd edək ki, iki komanda arasında noyabrın 11-də “Alberto Armando” stadionunda keçirilən ilk matçda qalib müəyyənləşməyib - 2:2. Daha əvvəl cavab görüşü azarkeşlərin hücumu ilə əlaqədar təxirə salınıb. Bundan sonra hüquq-mühafizə orqanları “Libertadores” kubokunun cavab matçında təhlükəsizliyi təmin etməkdən boyun qaçırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.